تصريح الشيخاوي

لاعبنا الدولي المتميز ياسين الشيخاوي صرح مؤخرا لصحيفة ألمانيةأنويقوم بواجبات الدينية من صلاة وعبادة بطريقة منتظمة وتجرأ زادة وقال إلي هو يتفهم غضب المسلمين في الدنمارك المعلومة لخرة ما عجبتش برشة الصحفي إلي لصق لولدنا نعت الأصولي وحطها بالبنط العريض صحيح إلي ما حقوش ياسين جاوب جملة على حاجات تهم حياتو الفردية ويضهرلي طاح في الفخ الي نصبهولو الصحفي الألماني وهذا يرجع ممكن ياسر لصغر سنو وصحيح زادة إلي الصحافيين يخلطو ويجلطوو ما همهم كان الإثارة الزايدة و أصبح التحليل متاعهم بافلوفي إلي عندو لحية ويصلي و ما هوش مع رأي المهيمن راهو أصولي كان موش إرهابي جملة خسارة إلي ألمانيا إلي ما عندهاش إرث إستعماري مع ديارلإسلام و عندها قراءة أكثر موضوعية من لمستشرقين الغربين لتاريخ دينا عندها صحافين يلوجو عل إثارة رخيصة ما عندها ما تغير في حقيقة أنو ياسين لاعب فذ و كوارجي كبير و إنسان عندو موقف ملي قاعد يحصل و ما هوش متلون يرضي في عمرو أو زيد كبرشة ملاعبية دوب ما يحطو ساقيهم في بلاد العكري ينساو دينهم و حتى بلادهم و يدوروها شيخات وخرجات وفي لخر عقوبة ربي يكملو كاريارهم في الخليج ينطرو في لفرنك وما تلقاهم ثابتين على حتى ثقافة. ربي معاك يس وإنشاء الله سحابة صيف و تتعدى