شوية تواضع من فظلكم

التغطية الاعلامية من قبل الصحافة المرئية لرحلة النادي الافرقي الى السنيغال ورات الي فيسع ما تركب التونسي الدعوى دوب ما يشوف اشكون اضعف و افقر منو شفنا مشاهد للملعب و لغرف الملابس الي بالمناسببة ما تزيدش برشة على حالة الي عندنا متع بلاد فقيرة واذا بالمصورين يمعنو في اختيار المشاهد المحزنة لحالة شعب اعطى للانسانية شاعركبير و رئيس دولة تخلى على الكرسي طوعا من دون اترابو الي لصقو بسوبر قلو وزاد عصبني الشبه صحفي لقناة حنبعل بسؤالو الاحتقاري لمسؤولي الفريق المضيف في خصوص حالة الملعب الي حسب رايو تسخف مل قلة حياء و عدم احترام لكرامة مخاطبو الي جاوبو ببرشة ذكاء الي الملعب مرجع في السنيغال و ما راعني كان شبه الصحفي يتهتكم على الراجل و يعاود سؤالو الانكاري ببلاهة و لسان حالو يقول ما بعدنا عليكم رانا قافزين برشة عليكم والله عيب كيف يتمقعر ولدنا وكانهم بعاد برشة على هلشعوب و هوما ما يفتوهم كانبالصبر على خاطر الفقر والتخلف المادي موش مشكلة المشكلة هي عقدة التفوق المبنية على عقلية فقيرة ما تعرفش التواضع كما سبولة القمح الفارغة الي الطول بلا غلة اما السبولة الباهية هي كل ما تعبي تبرص بالخير الي في حبها وحديثنا قياس