عيشة راجل

لا طاح لا دزوه هبطت علينا جريدة و لا هي مجلة سي بو بكر الصغير الملاحظ بخبير باش
يفرح برشة النسويين و النسويات التوانسة قالك يا سيدي نسوينا تقواو و لاو حتى في الخنفيري الرحمة لا بالأمارة قرروا بعض المتزوجين الرجال باش يدافعوا على رواحهم من إضطهاد نساونهم تكوين ملجأ بلغة أخرى نومرو أخظر يشكاو فيه الرجال إلي كلاو العصا من عند نساوهم و يفرغوافيه قلوبهم و كما تقول الوالدة نعيشو ونشفوا والواحد يلزمو يسإل روحو بيان كما يقول خونا خالد بوها قبل ما يزدم على العرس بمرا رامبو ألندرا نسويينا تقواو بالرسمي لدرجة ولات فيها الرجال جنس ضعيف؟ ولا الخلل في الرجال إلي تخنثوا فوق مالازم ؟ و إلا كيف سيدي كجواده ؟ أيا أمر إحير وأنا توة ناوي نخصص ترجمة لبعض كتابات لألان سورال حول تخنيث المجتمع الغربي فماش ما نفهموا لربما أش قاعد يصير عند الروامة. ماسيكم بلخير