محافل و أعراس صيف جربة

الصيف في جربة أعراس و حفالات ما بين زوز انواع متاع تحفيل النوع التقليدي متع الطبالة و على راسهم فرقة سطة جمعة و النوع العصري المزود و اللي على راسهم حبيب الجبالي و أسماء اخرى كما المرحوم البقلوطي و المختار الغزولي امبارح في الليل نجمت بفضل خونا خالد باش نتصنت الغزولي مباشرة من محفل في حومة المقارسة بميدون عن طريق سكايب و الله يرحم التكنولوجيا الرقمية اللي مكنتنا من الاستماع للتبريح على راس من جاء و هنى

خالد ما قصرش عمل تنقيزة للمحفل و صورنا هالمقطع الي نهديه بالمناسبة للتوانسة الي ما نجموش اروحو للبلاد و يعيشو هالأجواء الصيفية