نكتة

قريت امس خبير في جريدة الصباح التونسية مفادو الي فمة دراسة في الوقت الحاضر قاعدة تتعمل في خصوص الحمل خارج ازواج في بلادنا تونس فكرتني بنكتةحكاهلي توة مدة بنومي خالد تقول اللي في مجتمع الحيوان قرر نهار من نهارات,الصيد ملك و على اثر حملة ضغط قام بها جانب كبير من حيوانات الغابة باطلاق الحريات الجنسية وهدد بثورة على شاكلة ماي 1968ون جملة مطالبهم فتح باب الاختلاط الجنسي بين الحيوانات و تسهيلو بنشر استعمال الرفال قرر اذن الصيد تلبية المطلب لاول للحيوانات و رفض رفض قطعي حكاية الرفال و طالب من الحيوانات التجامع الطبيعي فماش ما تخرج للمجتمع الحيواني فصائل جيدة وجديدة بعد هذا لقرار الثوري تسيبو الحيوانات على بعضهم وشهدت لغابة تلاقح كبير بين جميع الحيوانات
ايا نهار من نهرات الصيد مازال كفاق من النوم جاه لعرينو الذيب الصباب قلو سيدنا راهو الحمار يخرق في القانون انا قانون قلو الصيد القانون الثوري لخر جاوبو لذيب تماهو الحمار طلع يستعمل في لرفال عيطو للحمار و اذا بيه جاهم للعرين متاع لصد مازال لابس الرفال تكرز الصيد وقرر باش يسلط عليه عقوبة الجلد نهق لبهيم و حلف الي هو ماهوش مخالف للقانون و الي هو عمل خطار مع لفعى باش يوريها الزنباع وين يتباع واذا بيها كبشتلو فيه وما حبتش تسيب