عيد مبروك

عيد مبروك وكل عام وإنتوما حيين بخير وإن شاء عيد هناء و لمة وفرحة.

صحيح لأنا بعيد على تونس و على أجواء عيد جربةلمكنتي باش نحاول نحيي الجانب لثقافي من هالفرحة و نحب لهنا نتفاعل مع اللي قاعد يكتب فيه شيخنا أزواو ببرشة إمتياز حول ثقافة الميكول في بلادنا.

الصباح بعد الذبيحة و تنضيف الدوارة يبدى الإعداد للمحشي او العصبان بلغة اهل الشمال تتعبىالمصارن و الكرشة بخليط متكون من معدنوس و بصل و بطاطاو كبدة ولحم ومفوح و يطيب في كسكاس يستغل فيه المرقة متع الحشو تكون لإعداد مقرونة جارية تاتكل في فطور القايلة في نفس الوقت تكون سقيطة اللحم مغطية تشيح باش غدوة يتم تفصيلها و إخراج الصدقة وإعداد القديد بالتابل و الربح و في العشية يقع تعليقو في الشريطة ما نساوش زادة تشويط الراس على الحطب و تفصيلو وتحضير عجة بالمخ. هالجواء عادة ما تكون مليانة بالفرحة خاصة إذا تكون المشرفة على هالمعمعة مراة سبعينية كالوالدة عندي واللي العيد لكبيرة عندها قدر وشأن كبير تحضر فيها العائلة عولتها لباقي الموسم باش انجمو نتمتعت بالكسكسي المسفوف بالطازية و القديد على دواير العام خاصة وقتلي يكون فيها عاصي ضحية هالأجواء هذه بعيدة ياسر على اللهفة لنشفو فيها اليوم على اللحم المشوي وعلى بعض تناقضات في مجتمعنا بين مقاصد التضامن متاع هالعيد و العراك و المشاكل متاع البطاحي وين يكثرالعنف الحيواني والبشري