كثر من العسل يمساط...

النموذج الجديد من الحصص التلفزية القائم علي تعويم المحاور وجعلها ذات نفس الاهمية من خلال طريقة طرحها بشكل مليء بكثير من العفوية و السطحية يعرف رواجا كبيرا لدى المتلقي الفرنسي عامة حيث لا تحتاج الحصةالمقدمة الى صحفي متخصص في ميدان ما كما كان الشان سابقا مع برنار بيفو و حصته الثقافية ابوستروف بل تحتاج الى مقدم على شاكلة اردسون الذي الغى كل الفوارق بين ميادين الفكر والثقافة و الرياضة والسياسة في خلطة هجينة جمعت على مائدة واحدة ماكس قالو و راقص راب من ضواحي باريس و رياضي من الجيدو

و ممثل كوميدي للحديث عن الاسلام في فرنسا غير ان هذه النوعية من البرامج مبنية على خلفية معادية للتخصص

امبارح مع انو البرنامج سويعة كان و اسمو على جسمو مخصص للكورة لقاعدة تتلعب في غانا ليمات هذه كشفنا على نوعية جديدة من المحليلين لي يهزو من الجابية ويحطو في الخابية وينوعو في المحاور من الجعايبي و الفلم متاعو جنون الى الجعايدي و الشعب التونسي والثقافة متاع يتنفس كورة ايا حاصلو خلط وجلط سي المولدي كما قالو راسو وزاد صلح لولد التلمساني اصطلاح الوطني موش القومي و كان زاد شوية راهو زاد فسر لزياد مفهوم القومية و الفرق بين مشال عفلق و عصمت سيف الدولة موش لازم نعاود لكلام الي تقال على التنكيت الماسط و حق الاختلاف عند المدرب الوطني و مساعدو و هذية قالتلهم اسكتو قال شنوةالاختلاف ضاهرة صحية و كفاش معلول و لومار موش مختلفين في تقييم المبارة متع السنغال ايا عمركمشي سمعتو مدرب و مساعدو يعطو تقيمات مختلفة على مبارة يشارك فيها فريقهم؟ واحد يقول كورنا و لاخر يقول لا ما كورناش وكمل فتحي المحامي بطريح تنجيم و را الي تونس باش تترشح ايا حصلو دارها شليلة و مليلة باش يفهمنا الي سبب لبلاء الاطار الفني و باش يكون البرنامج متوازن برشة زاد جبلنا بن غربية ممرن حصلو و فشل باش يرشح تونس عام 1994 و تعدلنا مع الزايير في دويرتنا ويدرب في منتخب ما ترشحش لكاس افريقيا جملة و معاها لاعب سمسار مهاجم ميزة اللعب ما غير كورة باش يحكولنا على الهجوم وشنوة لازم وشنوة موش لازم وبتعلة انو الراي العام يفهم في الكورة زاد بن غربية سؤال الاحصائيات كما في التجاه المعاكس مع و لا ضد راي معين مع انو ما جاب كان جماعة راي واحد وتغاضى الطرف على الاحصائية الخاصة باش شكون يرشحو المصوتين للفوز بكاس افريقيا والي بينت انو الراي العام الرياضي الله الله

يضهري وقيت باش يعلق السباط وتبديل السروج فيه راحة