عيد مبروك على جميع التوانسة و المسلمين و ان شاء الله يكون فرصة جديدة يتلموا فيها العباد و يتراحموا ويحيوا تراث الأجداد من عادات غذائية متوازنة ومن تضامن حقاني مش متع صنادق متع تقاسم و بركة و من تذكر و زيارة للمقابر ومن تفريح للصغيرات بالعرفة أو المهبة و للفقراء بالعينة و الرحمة

و الواحد بعيد على جربة و أجواء الاحتفال بهالنهار السعيد الي تحظرنا فيه الوالدة ربي يفضلها العيش بالحساء و القزول وزيت السنة في الصباح و الشرمولة بالحوت في القايلة مع الكسرة ما ينجم كان ينجم كان يتذكر هالاجواء و يتمنى من ربي يعيدها علينا