الحرب الثانية في المترو

نحب نرجع مرة أخرى لحكاية النقل لهنا في باريس إلي داخل بعضو ليمات هذه. لاحظت توة مديدة إلي الكراسي الأربعة المقابلة بعضهافي المترو الأنفاق فوقها على لبلار بليكة صغيرة حتو فيها أمالي شركة النقل لشكون لولوية في القعاد في هلكراسي. نلقاو من جملة الجماعة الي تخصصتلهم لكراسي ضحايا الحرب mutilés de guerre يقول القائل أناهي حرب ؟ توة فرنسا على حد علمي وقفت الشبوك من عام 1945 ورغم هذك فإنو ها البلاكة مازلت خدامة حتى في الميترو الآلي نومرو 14. حكاية بصمات الحرب الثانية في الحياة العامة افرنسوية فيها برشة ما يتقال مثلا علاش الأسامي متاع المحطات المترو في الأماكن لمذرحة وإلي معمولة باش تخلد ملاحم الحرب الثانية عطوها للحليف السوفياتي كما ستالنغراد مثلا في حين لبلايص الممو سمواها باسم روزفالت الحليف الأمركاني؟ يقول القايل أمريكا ضحت بولادها با ش حررت فرنسا أما روسيا دافعت على روحها من الخطر النازي لمكنتي زادة كان ما حلش ستالين جبهة حامية في الشمال الله أعلم أش يطرى فيها فرنسا

ذراعك يا علاف في باريس

مع دخول الإضراب متع النقل جمعة الثانية بدت إنشوف في حاجات فكرتني بأيامت قرايتي في الجامعة في تونس أيامات الكار سبسيال لتهز لمبيت ابن سينا و منبعد أيامات الميترو 1 في محطة 13 أوت وقتلي سكنت في مونوم الوردية أيا بإختصار أيامات لحضب كيما يقول القوفارنار يذكر بالخير أيامات ذراعك يا علاف و قتلي نطلع في الكران و خاصة نومرو 28 اصباح. أمس فهمت إلي السفيزم والفناس كلها سمحوني في الكلمة رويق فارغ وقتلي لمورتمس خبز لعبادأمس شفت لعجب في المترو الباريسي دزني و ندزك و حوت ياكل حوت وقليل الجهديموت لا عاد فمة إحترام للكبير و لا للحبلة و لا غيرو سبحان مغير لحوال هشعب لفرنساوي إلي عادةما تسماعش صوتو في المترو ولا يصيح و يلعن و زادة يسب